Էմիլ Մարգարյանի անձնական բլոգ

ԻՆՉՈՒ ԵՆ ԱՅԴՊԵՍ ԿՈՉՎԵԼ (Մաս 1)

EMILMARGARYAN — Mon, 21 Nov 2011 06:10:30 GMT

$CUT$

ԱՍԵՂԻ ՀՐՎԱՆԴԱՆ - Աֆրիկա մայրցամաքի հարավային ծայրակետն է, Հարավ-Աֆրիկյան Հանրապետությունում։ Պորտուգալացի ծովագնացները դիտելով կողմնացույցի սլաքի խոտորումները, վայրն անվանեցին Ագուլյաս (ասեղ)։
ԱՐՋԻ ԿՂԶԻ - գտնվում է Բարենցի ծովում, Նորվեգիայի տարածքում, զբաղեցնում է 180 քառ. կմ տարածք, բարձրությունը մինչև 536 մ։ Կղզին հայտնագործել և անվանակոչել է Վ. Բարենցը 1596 թվականին։ Կղզին անվանել է Արջի նկատի ունենալով, որ այնտեղ ինքն սպանել Է սպիտակ արջ։
ԱՐՑՈՒՆՔԻ ԴԱՐՊԱՍ - Բաբ Էլ-Մանդեբի նեղուց, անվանումն առաջացել է արաբերեն բաբ-դուռ, դարպաս և մանդիբ-վիշտ, արցունք բառից, նկատի ունենալով նավարկության վտանգավորությունը, նավաբեկումները։ Գտնվում է Արաբական թերակղզու հարավ-արևմուտքում։ Երկարությունը 109 կմ է, նվազագույն լայնությունը 26 կմ, նվազագույն խորությունը 31 մ։
ԲԵՐՄՈՒԴՅԱՆ ԵՈԱՆԿՅՈՒՆԻ ■ Ատլանտյան օվկիանոսի Բերմուդ– յան, Պուերտո Ռիկո կղզիների և Ֆլորիդա թերակղզու միջև գտնվող շրջանը, որն աչքի է ընկնում նավագնացության համար արտասովոր կերպով դժվարին պայմաններով։
ԵՐԿԱԹԵ ԴԱՐՊԱՍ - Դանուբ գետի կիրճ Ռումինիայի սահմանագլխին, լայնությունը մինչև 150 մ։
ԶԱՏԿԻ ԿՂԶԻ - հրաբխային կղզի Խաղաղ օվկիանոսի արևելյան մասում, Չիլիի տարածքում։ Տարածությունը 165.5 քառ. կմ, բարձրությունը 539 մ, այստեղ է Ռանո Արսի հրաբուխը։ Կղզին հայտնագործել է հոլանդացի ծովագնաց Յակոբ Ռոզգևենը 1722 թվականի ապրիլի 5– ին զատկի քրիստոնեական տոնի օրը և ի պատիվ տոնի կղզին անվանել է Զատիկի (իսպաներեն պասկուս), պոլինեզացիներն այն անվանում են Ռապանուի։
շարունակելի…

Ինչպե՞ս կարդալ դիմացինի մտքերը…

EMILMARGARYAN — Tue, 15 Nov 2011 11:56:59 GMT

$CUT$Սովորաբար մեր աչքերը «հետևում են» մեր մտքերին, և, երբեմն, պարզապես նայելով մեր աչքերին, մարդիկ կարող են հասկանալ ու կռահել, թե ինչ ենք մենք իրականում մտածում : Դժվար թե որևէ մեկն առարկի, որ դիմացինի աչքերով նրա իսկ մտքերը կարդալ կարողանալը շատ օգտակար հմտություն է, շնորհիվ որի` հնարավոր է կռահել, թե արդյոք ձեզ խաբո՞ւմ են կամ էլ, արդյոք, հետաքրքի՞ր է զրուցակցին ձեր պատմածը:

Եվ այսպես, ձեզ եմ ներկայացնում դիմացինի աչքերով կարդալու «բլից մաստեր-կլասը»:

1. «Աչք աչքի». զրուցակցի հետ նման կապ հաստատելը ցույց է տալիս, որ նա շատ հետաքրքրված է ձեզ հետ խոսակցություն վարելու: Երկարատև տեսողական կոնտակտը կարող է ասել այն բանի մասին, որ դիմացինը վախեցած է և/կամ չի վստահում: Ոչ երկար տեսողական կոնտակտը կվկայի մարդու անհանգստության և/կամ զրույցի նկատմամբ անհետաքրքրության մասին: Իսկ ահա տեսողական կոնտակտի լրիվ բացակայությունը խոսում է զրուցակցի` ձեզ հետ խոսակցության նկատմամբ ամբողջական անտարբերության մասին:

2. Դիմացինը նայում է վերև. վեր ուղղած հայացք` ձեզ ուղղված արհամարհանքի, հեգնանքի կամ գրգռման դրսևորման հատկանիշ է: Շատ դեպքերում, նման «ժեստը» կարող է նաև հանդուրժողականություն նշանակել:

3. Երբ մարդը նայում է վերին աջ անկյուն, նա մտովի պատկերացնում է իր տեսողական հիշողության մեջ պահպանված մի պատկեր: Տեստ. ինչ-որ մեկի խնդրեք նկարագրել որևէ մարդու տեսքը, և նա պարտադիր կբարձրացնի աչքերն ու կնայի աջ:

4. Երբ մարդը հայացքն ուղղում է վերին ձախ անկյուն` այն վկայում է, որ նա իր համար ինչ-որ բան է փորձում պատկերավոր ներկայացնել: Երբ մենք փորձում ենք օգտագործել մեր երևակայությունը որևէ պատկեր մտովի վիզուալ «նկարելու» համար` մենք նայում ենք վեր և դեպի ձախ:

5. Եթե ձեր զրուցակիցը նայում է աջ, դա նշանակում է, որ նա փորձում է ինչ-որ բան հիշել: Ճիշտ այնպես, ինչպես որևէ ծանոթ մեղեդի վերհիշելու համար մենք դեպի աջ ենք գցում հայացքը:

6. Դեպի ձախ նայելով, մարդիկ ձայներ են «հորինում»: Երբ մարդ պատկերացնում է որևէ ձայն կամ մի նոր մեղեդի է «հավաքում»` նա նայում է ձախ:

7. Աչքերը իջեցնելիս աջ նայելու դեպքում` մարդն, ամենայն հավանականությամբ, ինքն իր հետ «ներքին» երկխոսության է բռնվում: Ձեր զրուցակիցը կարող է մտածում է ձեր որևէ ասածի շուրջ կամ էլ մտածում է, թե ինչ պետք է ձեզ ասի այնուհետև:

8. Ստորին ձախ անկյուն ուղղված հայացքը վկայում է, որ մարդը մտածում է ինչ-որ բանից ստացած իր տպավորության մասին: Տեստ. հարցրեք մեկին իր ծննդյան օրվա ապրումների ու զգացումների մասին, և նա, նախքան պատասխանելն, անպայման կիջեցնի աչքերն ու կնայի դեպի ձախ:

9. Աչքերն իջեցնելով մենք ցույց ենք տալիս, որ մենք զգում ենք մեզ ոչ այնքան հարմարավետ կամ նույնիսկ կաշկանդված ենք: Հաճախ, եթե մարդն ամաչում է կամ չի ուզում խոսել, նա իջեցնում է իր աչքերը: Նշենք որ, ասիական մշակույթի մեջ զրուցակցի աչքերի մեջ չնայելն ու հայացքը ցած ուղղելը նորմա է հանդիսանում:

Այս «կանոնները» սովորաբար տարածվում են բոլորիս վրա: Սակայն նշենք, որ ձախլիկներն ամենինչ անում են հակառակը` աջլիկը նայում է աջ, ձախլիկը`ձախ, և` հակառակը

Ինչպես ծնվեց Լոխ Նեսի հրեշը

EMILMARGARYAN — Tue, 08 Nov 2011 18:24:23 GMT

$CUT$Բրիտանացի բժիշկ Ռոբերտ Վիլսոնը 1934 աշխարհին հայտարարեց, որ շոտլանդական Լոխ Նես լճի ջրերում տեսել է տարօրինակ օբյեկտ: Ընդ որում` նա նաև հասցրել էր ֆոտոնկարել: Նկարում երևում էր օձանման, երկար վզով անծանոթ կենդանի: Տեղական լեգենդներից մեկը պատմում էր մի հրեշի մասին, որ բնակվում է այդ վայրերում: Եվ բժշկի այդ հայտարարությունը հեշտությամբ ինտեգրվեց և ընդունվեց տարբեր մարդկանց կողմից: Սկսվեցին աշխարհի տարբեր ծայրերից հետազոտողների խմբեր ժամանել` լիճը ուսումնասիրելու և հրեշին գտնելու նպատակով:

Այդպես շարունակվեց մինչև 1994թ, երբ մահից առաջ Ստեռլինգ անունով մի մարդ հայտարարեց, որ օգնել է բժիշկ Վիլսոնին «փաստագրական» նկարը պատրաստելու հարցում: Վիլսոնը մի քանի տարի առաջ այդ կողմերում գտել էր անծանոթ կենդանու հետքեր, ինչի հետևանքով դարձել էր մարդկանց ծիծաղի առարկան, քանի որ նրան չէին հավատացել: Այդ միջադեպից հետո նա որոշել էր վրեժ լուծել արդեն նշված նկարի օգնությամբ: Չնայած Ստեռլինգի խոստովանությանը, մինչ օրս էլ շատերը հավատում են, որ հրեշը գոյություն ունի և շարունակում են օրերով մնալ լճերի ափերին, որպեսզի փաստեր հավաքեն կամ գոնե տեսնեն երևակայական կենդանուն:

ՄեՐՖԻԻ ՅՈԹ ՕՐԵՆՔՆԵՐԸ

EMILMARGARYAN — Tue, 08 Nov 2011 17:54:20 GMT

$CUT$ Ամերիկացի ինժեներ Մերֆին ձևակերպել է մի քանի օրինաչափություն, որոնք նկատած պիտի լինեն բոլոր նրանք, ովքեր գործ են ունեցել քիչ թե շատ բարդ տեխնիկայի հետ։

1. Ձեռքից բաց թողած ծանր գործիքը միշտ ընկնում է այնպիսի տեղ, որտեղ կարող է հասցնել ամենից ավելի մեծ վնասը։

2. Միշտ, երբ խողովակը չափից ավելի երկար է լինում, հենց որ կտրում են, անհրաժեշւո չափսից կարճ է ստացվում։

3. Որևէ բարդ սարք քանդելուց և կրկին հավաքելուց հետո միշտ պարզվում է, որ սարքի մասերից մի քանիսը ավելորդ են եղել։

4. Եթե մեքենայի որևէ մաս կարող է և սխալ տեղակայվել միշտ կգտնվի այնպիսի մեկը, որը կվարվի հենց այդպես։

5. Բոլոր հերմետիկ միակցումներն անպայման որևէ բան բաց են թողնում։

6. Այն հաշվարկները, որոնք բոլորին երկրորդական են թվում, միշտ առավել մեծ սխալների պատճառ են դառնում։

7. Աշխատանքների վերջնական փուլի մերձեցման հետ աճում է սարքավորման մեջ էական փոփոխություններ մտցնելու անհրաժեշտությունը։

Հաճախ օգտագործվող որոշ ժեստերի կրճատ մեկնաբանություն

EMILMARGARYAN — Sun, 06 Nov 2011 06:29:20 GMT

$CUT$

Մատների ծայրերով ճակատին թխկթխկացնել – ինքնաքննադատություն, սեփական մեղքերի խոստովանություն:

Ճակատը մի ծայրից մյուս ծայրը շոյել – անորոշություն, փորձում է մտածել, թե ճիշտ է հասկացել դիմացինին:

Ցուցամատով մի քանի անգամ ներքևից վերև շփելը քթի և հոնքերի միջին հատվածը – փորձում է մտապահել, մտածում է, որ պետք չէ մոռանալ:

Ցուցամատի և միջնամատի միջոցով քունքային հատվածին դիպչել – վստահ չէ

Գլխի մեջտեղը շոյելը, կարծես թե սանրվում է -թաքցնում է իր նևրոտիկությունը, փորձում է հանգստանալ:

Հոնքի ծայրը թեթև ցուցամատով շոյել – փոքր-ինչ նյարդայնացած է, անվստահ իրավիճակի ճիշտ գնահատման մեջ:

Ցուցամատով և բութ մատով բռնում է հոնքերի արանքը` փոքր-ինչ վերև բարձրացնելով մաշկը – փորձում է կենտրոնանալ, հավաքվել, որպեսզի սխալ չգործի:

Ձեռքով ճակատի մի մասը և աչքերը փակելը – այս ժեստը նշանակում է տխրություն, հուսահատություն, հոգնածություն, սակայն շատերի համար այն դիմակ է , որի միջոցով թաքցնում են իրենց անտարբերությունը կամ ժպիտը:

Ակնոցի ծայրերը միացնել իրար, ձեռքում անընդհատ ծայրերն այս ու այն կողմ տանել – անորոշություն, անտեղյակություն, անպարզություն:

Ակնոցներով սեղանին թխկթխկացնելը – դժգոհ է, հարկավոր է կրկնել:

Ցուցամատով քթին փոքր-ինչ հպվելը – խորհում է, ինչ-որ բան կասկածում:

Ցուցամատով և բութ մատով վերևից ներքև քթի տակ շոյելը – փորձում է պարզել:

Ցուցամատով քթի տակ շոյելը – անվստահություն, անվճռականություն, չի կողմնորոշվում:

ՎԵՐՋԻՆ ԽՈՍՔԸ

EMILMARGARYAN — Sat, 05 Nov 2011 08:08:58 GMT

$CUT$

Ռաբլեն վախճանվեց 1553 թվականին։ Նրա վերջին խոսքերն էին. «Իջեցրեք վարագույրը, կատակերգությունը վերջացավ»։
Թոմաս Հորբերը մեռնելիս՛ 1679 թվակւսնի դեկտեմբերի 4-ին ասաց. «Շատ ուրախ եմ, որ մի անցք եմ գտնելու, որով դուրս կպրծնեմ այս աշխարհից»։
Ադիսսենը նշանավոր անգլիացի մատենագիրը, 1791 թվականի հունիսի 17-ին կանչեց իմ անհավատ փեսա լորդ Ուարվիկին և ասւսց. «Քեզ կանչել տվեցի, որ տեսնես, թե ինչպես մեռնել գիտի մի քրիստոնյա»։ Այս խոսքերից հետո նա փակեց աչքերը և հոգին ավանդեց։
Նապոլեոն Բոնապարտի վերջին խոսքերն էին. –Ֆրանսիա, դրոշ, հաղթանակ։
Հավանաբար Հայնրիխ Հայնեն մի նոր մտահղւսցում ունեցավ, երբ վերջին պահին շշնջաց. –Թուղթ և մատիտ…
Օկտավիանոս կայսրը իր բժշկին սպառնաց հենց վերջին շնչում. ֊Եթե ես մեռնեմ, կհրամայեմ քեզ կախեն։
Ելիզավետա թագուհին իր բժիշկին չսպառնաց, այլ թախանձանքով ասաց.
–Մի օրվա կյանք տուր ինձ, Լւ ես քեզ կտամ թագավորությանս կեսը։
Հովհաննես Թումանյանը կյանքի վերջին րոպեներին անգամ չմոռացավ իրեն, նա դիմեց ներկաներին. –Ղոչա՚խ կացեք…
2006 թ. դեկտեմբերի 30-ին մահապատժի ենթարկվեց Իրաքի նախագահ Սադամ Հուսեյնը։ Նրա վերջին խոսքերն էին. ֊Կեցցե” Պաղեստինը, կեցցե՜ Իրաքը։
Նոբելյան մրցանակի դափնեկիր Լև Դավիդովիչ Լանդաուն 1968 թ. ապրիլի 1-ին մեռնելիս ասել է. «Ես վատ չապրեցի իմ կյանքը, ինձ միշտ ամեն ինչ հաջողվել է»։
Ֆրակլին Ռուզվելտի վրա մահափորձի ժամանակ գնդակը կպավ նրա ուղեկից Անտոն Չերմակին, որը մեռնելիս դիմելով պրեզիդենտին ասաց. «Ես ուրախ եմ, որ նա ինձ խփեց, ոչ թե Ձեզ»։

Հայտնի մարդկանց իրական անունները

EMILMARGARYAN — Tue, 01 Nov 2011 12:56:46 GMT

$CUT$

1.Լեդի Գագան-Սթեֆանի Ջերմանոտա

2.50 cent-Կուրտիս Ջեկսոն

3.Դիմա Բիլան – Վիկտոր Բիլան

4.Pink-Էլեսիյա Մուր

5.Սթինգ-Գորդոն Սամմեր

6.Իրինա Ալեգռովա -Ինեսսա Կլիմչուկ

7.Մուհամեդ Ալի -Կասուս Կլեյ

8.eminem-Մարշալ Բրյուս Մեզերս

Իսկ գիտեք , որ Պիկասոյի ամբողջական անունն Պաբլո Դիեգո Խոսե Ֆռանսիսկո դե Պաուլա Խուան Նեպոմնուսե Մարիա դե Լոս Ռեմեդիոս Սապռիանո Տրինիդատ Մարտիր Պատրիսիօ դե Ռուիս Պիկասո է

Գոթերի,սատանիստների և էմոների մասին

EMILMARGARYAN — Mon, 31 Oct 2011 16:55:44 GMT

$CUT$էմոներն ատում են իրենք իրենց, գոթերը` ողջ աշխարհը, սատանիստները` Աստծուն

Երիտասարդական սուբկուլտուրաները ըմբոստության ձև են, դրանք կոչ են ընդդեմ հասարակության մեջ ընդունված սոցիալական ու բարոյական նորմերին: Դրանք ոչ ֆորմալ հասարակության մասն են: Ավելի վաղ սուբկլուտուրաների` հիպպիների ու պանկերի, մետալիստների մասին ավելի ուշ: Հիմա` էմոներ, գոթեր ու սատանիստներ, ու ինչպիսի՞ն են նրանք Հայսատանում:

Սկզբում`մի քիչ «Վիքիպեդական» չոր ակադեմիական ծանոթություն:

Էմոն( emo: լատ. emotional — էմոցիոնալ) երիտասարդական սուբկուլտուրա է, որը կազմավորվել է նույն անունը կրող երաժշտական ոճի երկրպագուների մեջ, նրանց անվանում են էմո-քիդ(երեխա, դեռահաս), էմո-բոյ(տղա) և էմո-գըրլ(աղջիկ):

Էմոցիաների, զգացմունքների վառ արտահայտումը էմոների գլխավոր օրենքն է: Էմոները տարբերվում են ինքաարտահայտմամբ, դեմ են անարդարությանը, ունեն յուրահատուկ աշխարհընկալում: Նրանք շատ խոցելի են ու շուտ ընկճախտի մեջ են ընկնում:

Էմո-քորը` էմոների երաժշտությունը, ծագել ու զարգացել է որպես պանկ-ռոքի ուղղություն, և չնայած դրան, այդ երկու սուբկուլտուրաները շատ տարբեր են: Դասական պանկերից նրանց տարբերում է ռոմանտիզմն ու վեհ սիրո հիվանդագին շեշտադրումը: Էմոների ուշադրությունը հաճախ ուղղված է դեպի անձնական հուզական դաշտը, նրանց չեն հետաքրքրում հասարակական իրադարձությունները:

Էմոները հագնում են սև ու վարդագույն հագուստ, կրում են զանազան նշաններ իրենց վրա, թիթեռնիկներ մազերին և ամենուր: Արվեստը` հիմնականում էմո-անիմացիան է:

Էմոներն ու գոթերը որպես սուբկուլտուրաներ հաճախ են համեմատվում, որից վիրավորում են և գոթերը, և էմոները: Օրինակ, էմոներն ավելի են հակված ինքասպանության, քան գոթերը: Գոթերն ավելի բանական են:

Կարճ ասած` էմոներն ատում են իրենք իրենց, գոթերը` ողջ աշխարհը:

Անցնենք գոթերին: Գոթերը ևս 70-ականների փոսթ-պանկի ալիքի վրա ծնված երիտասարդական սուբկուլտուրայի ներկայացուցիչներ են: Գոթական սուբկուլտուրան շատ բազմազան է, բայց բոլորն էլ ունեն միևնույն բնորոշ գծերը` յուրահատուկ մռայլ ոճ, նաև հետաքրքրություն գոթական երաժշտության, սարսափ-գրականության ու սարսափ-ֆիլմերի նկատմամբ:

Գոթերի ոճական էլեմենտներն են` սև գույնը, բնորոշ գրիմն ու գոթական սուբկուլտուրայի մետաղյա զարդերի կրումը(անկհ`անմահության հին եգիպտական խորհրդանիշ, գանգեր, խաչեր, ուղիղ և շրջած պոնտագրամմաներ, չղջիկներ):

Սատանիզմը նույնպես համարվում է սուբկուլտուրա (ԼաՎեյ), ունի բազմահազար հետևորդներ աշխարհում, բայց այն որոշ երկրներում նաև Սատանայի Եկեղեցու պաշտոնապես գրանցված կրոնն է, որի հիմքը դրել է Անտոն Շանդոր Լավեյը:

Սատանիզմի մեջ սատանան ընկալվում է որպես աշխարհընկալման դրական սիմվոլ, ազատության, ինքնազարգացման և այսպես ասած, բանական էգոիզմի սիմվոլ: Ըստ ԼաՎեյի` «Սատանան միայն սիմվոլ է, ուրիշ ոչինչ: Սատանան նշանավորում է մեր սերը դեպի ամեն երկրայինն ու ժխտում է խաչին խաչված Քրիստոսի դալուկ կերպարը»: Սատանիստները յուրահատուկ վերաբերմունք ունեն 666 և 13 թվերի նկատմամբ, դրանք նրանց համար հաջողակ թվեր են: Սիմվոլը` պենտագրամման է, կենտրոնում Բաֆոմետի` Դեմոնի պատկերով: Սատանիստներին հարող երիտասարդությունը գերադասում է սև հագուստ և կրում է իր վրա սիմվոլիկան: Որպես սուբկուլտուրա և գոթերը և սատանիստները արտահայտություն են գտել բավական ծանր` մետալիստական երաժշտության մեջ` բլեք-մետալ(սև), հէվի-մետալ(ծանր), դեդ-մետալ(մահ):

Հիմա անցենք մեր «տեղական» էմոներին, գոթերին ու սատանիստներին:

Հայաստանյան էմոները մեծամասամբ էպոտաժային`միայն ինչ-որ բանով տարբերվող էմոներ են, հիմնականում անցումային տարիքի դեռահասներ: Իրականում նրանք ունեն սուբկուլտուրայի միայն արտաքին ատրիբուտները, լսում են էմո երաժշտություն, հագնվում համապատասխան, լացում են պատեհ-անպատեհ: Պատահում են նաև տարիքով քիչ մեծերը, հիմնականում «էմոյությունն» ավարտվում են բուհական տարիների սկզբնական կուրսերում, աղջիկները շուտ են ամուսնանում` գտնելով իրենց երազած վեհ սերը: Եղել են մի քանի անձնական անհաջողություններից ինքնասպան եղած էմոներ, օրինակ` բուհ չընդունվելը կամ 14 տարեկան աղջնակի տղայի կողմից չընդունված սերը ցած է նետել նրանց բարձր տեղից: Էմոները խոսել չուզեցին:

Խոսեցի մի աղջկա` պայմանական` Աննայի հետ, որը գոթից դարձել էր սատանիստ, ու էդ սուբկուլտուրաներից 24 տարեկան հասակում` իրեն պահել միայն սուբկուլտուրաների արվեստն ու երաժշտությունը: Ավարտել է համալսարանն ու աշխատում է մասնագիտությամբ, ամուսնացած է:

- Ինչո՞վ են էմոները, գոթերն ու սատանիստները նման ու ինչով` տարբեր: Պատմիր սատանիզմի քո ընկալման մասին։

- Երաժշտությունն ա նման` էմոներինը թեթև ռոք, գոթերինը մի քիչ ավելի ծանր, սատանիստներինը` շատ ծանր` մետալ: Ես դեմ եմ,, ընդհանրապես, սուբկուլտուրաներին: Եղել եմ գոթ, հետո սատանիստ, բայց էն, ինչ ես եմ քաղել դրանցից, ոչ բոլորն են քաղել: Սատանիզմը շատ անհատական աշխարհահայցք ա, ամեն մեկի մոտ իր տեսքն ա ընդունում: Սատանայի հետ կապ ունի էնքանով, որ անունն ա ճչացող, անունն ա «հակա», այսինքն Աստված-Արարիչը ժխտող, «Աստվածը ես եմ» աֆորիզմն ա հիմքում: Սատանիզմն ունի երեք ստադիա: Առաջին`երբ մարդը դեմ ա կրոններին ու դրանով իսկ սատանիստ ա: Երկրորդ`փիլիսոփա-սատանիստ, նա ծանոթ ա սատանիզմի երկու ուղղություններին ու համաձայն ա դրանց հետ, դա դառնում ա աշխարհայացք ու ամեն ինչ անցնում ա էդ պրիզմայի միջով` դա սատանիստ-փիլիսոփան ա:Երրորդ` ակկուլտիստական արարողակարգերին անցած մարդը, որի համար սատանիզմն արդեն դառնում ա կրոն:

- Իսկ էդ զոհաբերությունների մասին պատմությունները, դրանք ճի՞շտ են:

- Սատանիստը երբեք էդպիսի բաներ չի անում, դա սատանայապաշտներն են անում Սատանիստը դոգմատ չի: Սատանիզմի ԼաՎեյի պատվիրանների մեջ նշված ա, որ ոչ մեկին վնաս չպատճառեն: Նա միայն ասում, ա որ Աստված չկա: Ոչ մի վնաս չկա սատանիստներից: ԼաՎեյն, ընդհանրապես, սնվել ա Նիցշեից, էլի ոմանցից ու ստեղծել ա կրոն` սատանայի եկեղեցին:

- Հիմա դու ո՞ր ստադիայում ես:

- Ոչ մի: Մի ժամանակ, որ սատանիստ էի, հասել էի երրորդ ստադիային: Արարողակարգերի էի մասնակցում, իրար արյուն էինք խմում, դե, 16 տարեկան էի:

- Իսկ գոթիկան, ի՞նչ կասես գոթիկայի մասին:

- Մարդ, որը Տերյան ա սիրում, արդեն գոթ ա: Գոթիկան Դա հոգեվիճակ ա: Նաև հագուստը, ատրիբուտիկան, սիմվոլիկան, երաժշտությունը գոթիկ-մետալ, պոստ-պանկ, գոթիկ-մետալ և այլն: Նրանք սև են հագնվում, ուժեղ քսում են աչքերը, տեսքից մռայլ են, բայց հիմնականում բարի ու լավ մարդիկ են:

- Էմոներին չկարողացա խոսցնել, նազուտուզ էին անում, գուցե՞ նրանց մասին էլ պատմես:

- Էմոն դա մարդ ա, որին շատ հեշտ կարելի ա լացացնել, կարճ սենց կասեմ: Հիմնականում 13-16 տարեկան են, կան մեծերը, որոնք ոնց որ մանկություն ունեցած չլինեն, անընդհատ ձգտում են երեխա երևալ, լինել, զգալ: Ինձ համար էմոները դեգրադացված մարդիկ են: Ես էլ եմ ուզում ու երբեմն էլ զգում եմ ինձ երեխա, բայց ես փոռիկներով վարդագույն շորեր չեմ հագնում ու տիկնիկով չեմ խաղում: Ինքնասպանություն էլ նույնիսկ գործում են կյանքից կոտրվելով ու աշխարհից նեղանալով, ոչ թե գաղափարապես: Մենք բոլորս էլ էմո եղել ենք, երեխա ժամանակ, երբ մեզ նեղացնում էին` լացում էինք: Բայց մենք մեծացանք ու էլ ամեն առիթով չենք լացում, իսկ էմոները շարունակում են լացել:

- Էմոն կարո՞ղ է դառնալ գոթ, հետո սատանիստ, ես էդ սուբկուլտուրաները մի ալիքի վրա եմ ընկալում:

- Կարա էդպես բան լինի, բայց շատ հազվադեպ, դա բնականոն աճ չի: էմոներն ատում են գոթերին` փոխադարձաբար, գոթերը` սատանիստներին: Բայց գոթը կարա դառնա սատանիստ, հնարավոր ա: Գոթը կարա մեծ լինի, անպայման չի, որ նա լինի դեռահաս, կամ շատ ջահել: Իսկ էմոն անպայման միշտ մնում ա երեխա, եթե ժամանակին չի ամուսնանում: Տղաների էմոյությունը հիմնականում բանակում ա վերջանում: Ավելի շատ են աղջիկ-էմոները:

- Ի՞նչ կասես մարդկանց, որոնք սատանիստներից ու սուբկուլտուրաներից վախենում են, ինչպես սատանայից: Եվ, ինչպես շեշտեցիր զրույցի սկզբում, ի՞նչ դասեր քաղեցիր:

- Սատանայապաշտները երբեք ոչ հագուստով, ոչ որևէ այլ ձևով չեն տարբերվում սովորական մարդկանցից, ու իրականում կարող են լինեն սատանայապաշտ, թաքուն անեն իրենց զոհաբերությունները, ու անում էլ են, և ոչ ոք դրա մասին կարա չիմանա: Նրանք երբեք չեն ասի, որ սատանայապաշտ են: Իսկ սատանիստները կարան սև հագնեն, ԼաՎեյ պաշտեն, բայց նրանցից վտանգ չկա, քրիստոնյաներն իրենց ինկվիզիցիայով ավելի շատ վնաս են հասցրել մարդկությանը, քան սատանիստները` պենտագրամմա ու 666 թիվ սիրելով: Ուղղակի ցանկացած սուբկուլտուրա դա օտարացում ա առողջ հասարակությունից, միակ լավ բանը դա նրանց արվեստն ա` գրականությունը, կերպարվեստն ու երաժշտությունը:

Վանգայի կյանքի և գուշակությունների մասին(2010-ից մինչեվ 5079)

EMILMARGARYAN — Sun, 30 Oct 2011 13:38:48 GMT

$CUT$Վանգային կարելի է համարել 20-րդ դարի ֆենոմեններից մեկը, որն ապրեց 85 տարի (1911-1996) երկիր մոլորակի վրա: Նա իր խորհուրդներով եւ գուշակություններով օգտակար եղավ տասնյակ հազարից ավելի հիվանդների եւ հուսալքված մարդկանց: 12 – ամյա բուլղարուհու մոտ նկատվում էին տարօրինակություններ. նա խաղում էր մի խաղ որը, անհանգստացնում էր ծնողներին, նրա խնդրանքով թաքցնում էին ինչ – որ առարկաներ, այնուհետ նա փակ աչքերով` շոշափելով գտնում էր այդ առարկանները: 13 տարեկան հասակում` տուն վերադառնալիս, ուժգին հողմափոթորիկը նրան քշում է` թաղելով ավազների եւ ծառի ճյուղերի մեջ, որի հետևանքով կորցնում է տեսողությունը: 1979 թվականին ի հայտ եկավ նոր շնորհ. նա ամենուրեք կապի մեջ է հայտնվում գերհզոր եւ ոչ ֆիզիկական էակների հետ: Օգնություն հայցելու նպատակով` նրան այցելել են բազմաթիվ հանրահայտ քաղաքական գործիչներ եւ հանրաճանաչ գիտնականներ, որոնք հեռացել են զարմացած եւ հիացած. Վանգային հաջողվել է իր պատասխաններով ապշեցնել մի շարք գիտնականների, ըստ նրանց, միայն տաղանդավոր գիտնականը կարող էր պատասխանել այդ հարցերին: Հենց սա է Վանգայի ֆենոմենը, նա հազվագյուտ այն անձանցից էր , որն օժտված էր Աստվածային շնորհներով: Նա մահացել է 1996 թվականին , նրա թաղմանն էին եկել բազմաթիվ հայտնի մարդիկ. Բուլղարիան երբեք չեր ունեցել այդքան այցելուններ:

Գուշակությունները

2010 թ. – Երրորդ համաշխարհային պատերազմի սկիզբը: Պատերազմը կկսվի 2010 թ.-ի նոյեմբերին և կավարտվի 2014 թ.-ի հոկտեմբերին: Կսկսվի ինչպես սովորական, իսկ հետո կկիրառվի սկզբում ատոմային, իսկ հետո քիմիական զենք:

2011 թ. – Հյուսիսային կիսագնդում ռադիոակտիվ տեղումների պատճառով կենդանի չեն մնա ո’չ բուսական, ո’չ էլ կենդանական աշխարհները: Այնուհետ մուսուլմանները քիմիական պատերազմ կսկսեն կենդանի մնացած եվրոպացների դեմ:

2014 թ. – Մարդկանց մեծամասնությունը կտառապի թարախախտով, մաշկի քաղցկեղով և մաշկային այլ հիվանդություններով (քիմիական պատերազմի հետևանքը):

2016 թ. – Եվրոպան գրեթե անմարդաբնակ է:

2018 թ. – Համաշխարհային նոր գերտերություն է դառնում Չինաստանը: Զարգացող երկրները շահագործվողներից վեր են ածվում շահագործող երկրների:

2023 թ. – Մի փոքր կփոխվի Երկրագնդի ուղեծիրը:

2025 թ. –Եվրոպան դեռևս քիչ է բնակեցված:

2028 թ. – Էներգիայի նոր աղբյուրի ստեղծում: Քաղցը հետզհետե հաղթահարվում է: Սկսվում է օդաչուավոր տիեզերանավի արշավը դեպի Վեներա:

2033 թ. – Բևեռային սառույցները հալչում են: Բարձրանում է Համաշխարհային օվկիանոսի մակարդակը:

2043 թ. – Համաշխարհային տնտեսությունը զարգանում է: Եվրոպան ղեկավարում են մուսուլմանները:

2046 թ. – Աճեցվում են ցանկացած տեսակի օրգաններ: Օրգանների փոփոխությունը դառնում է բուժման լավագույն մեթոդներից մեկը:

2066 թ. – Մուսուլմանական Հռոմի վրա հարձակման ժամանակ ԱՄՆ-ը օգտագործում է զենքի նոր տեսակ՝ կլիմայականը: Կտրուկ ցրտում է:

2076 թ. – Առանց դասակարգերի հասարակություն (կոմունիզմ):

2084 թ. – Բնության վերականգնում:

2088 թ. – Նոր հիվանդություն՝ ծերացում մի քանի վայրկյանում:

2097 թ. – Արագ ծերացումը հաղթահարված է:

2100 թ. – Արհեստական արեգակը լուսավորում է Երկրագնդի մութ կողմը:

2111 թ. – Մարդիկ դառնում են կենդանի ռոբոտներ:

2123 թ. – Պատերազմ փոքր պետությունների միջև: Գերտերությունները չեն խառնվում:

2125 թ. – Հունգարիայում ազդանշաններ կստանան տիեզերքից (կրկին կհիշեն Վանգայի մասին):

2130 թ. – Գաղութները ջրի տակ են (այլմոլորակայինների միության շնորհիվ):

2164 թ. – Կենդանիներին կիսամարդ են դարձնում:

2167 թ. – Նոր կրոն:

2170 թ. – Մեծ երաշտ:

2183 թ. – Մարս մոլորակի գաղութը դառնում է միջուկային տերություն և անկախություն է պահանջում Երկրագնդից:

2187 թ. – Հաջողվում է կանգնեցնել երկու խոշոր հրաբուխների ժայթքումը:

2195 թ. – Ծովային գաղութները ապահովված են և’ սնունդով, և’ էներգիայով:

2196 թ. – Ասիացների և եվրոպացիների ամբողջական միաձուլումը:

2201 թ. – Արեգակի վրա դանդաղում են տերմոմիջուկային գործընթացները: Ցրտում է:

2221 թ. – Ոչ երկրային կյանքի փնտրման ժամանակ մարդկությունը շփման մեջ է մտնում ինչ-որ ահավոր երևույթի ժամանակ:

2256 թ. – Տիեզերանավը Երկիր է բերում նոր ծանր հիվանդություն:

2262 թ. – Հետզհետե փոխվում են մոլորակների ուղեծրերը: Մարսին սպառնում է գիսաստղը:

2271 թ. – Կրկին հաշվարկված են փոփոխված ֆիզիկական հաստատունները:

2273 թ. – Դեղին, սպիտակ և սև ռասաների միաձուլումը: Նոր ռասաներ:

2279 թ. – Էներգիա ոչինչից (հավանաբար վակուումից կա սև խորշերից):

2288 թ. – Ճանապարհորդություն ժամանակի միջով: Նոր շփումներ այլմոլորակայինների հետ:

2291 թ. – Արեգակը սառչում է: Փորձեր են ձեռնարկվում այն կրկին վառել:

2296 թ. – Հզոր պայթյուններ Արեգակի վրա: Փոխվում է ձգողականության ուժը: Սկվում են ընկնել հին տիեզերակայաններ և արբանյակներ:

2299 թ. – Ֆրանսիայում պարտիզանական պայքար է իսլամի դեմ:

2302 թ. – Հայտնագործված են նոր կարևոր օրենքներ և Տիեզերքի գաղտնիքներ:

2304 թ. – Հայտնագործված է Լուսնի գաղտնիքը:

2341 թ. – Ինչ-որ ահավոր բան է մոտենում Երկրին Տիեզերքից:

2354 թ. – Արհեստական արեգակներից մեկի վթարը երաշտի է բերում:

2371 թ. – Մեծ սով:

2378 թ. – Նոր արագ բազմացող ռասա:

2480 թ. – Բախվում են արհեստական երկու արգակներ: Երկրագունդը մթնշաղի մեջ է:

3005 թ. – Պատերազմ Մարսում: Խախտվում են մոլորակների հետագծերը:

3010 թ. – Գիսաստղը կբախվի Լուսնին: Երկրագնդի շուրջը քարե փոշուց գոտի է:

3797 թ. – Այս ժամանակ արդեն Երկրագնդի վրա կվերանա ամեն մի կենդանի բան, սակայն մարդկությունը կկարողանա նոր կյանքի համար հիմքեր գցել այլ աստղային համակարգում:

3803 թ. – Նոր մոլորակը սակավաբնակ է: Քիչ են փշումները մարդկանց միջև: Նոր մոլորակի կլիման ազդում է մարդկանց օրգանիզմի վրա՝ նրանք սկսում են մուտացիայի ենթարկվել:

3805 թ. – Պատերազմ մարդկանց միջև ռեսուրսների համար: Մահանում է մարդկանց կեսից ավելին:

3815 թ. – Պատերազմն ավարտված է:

3854 թ. – Քաղաքակրթության զարգացումը փաստացիորեն կանգնում է: Մարդիկ կենդանիների նման ապրում են հոտերով:

3871 թ. – Նոր մարգարեն պատմում է մարդկանց բարոյական արժեքների, կրոնի մասին:

3874 թ. – Նոր մարգարեն ստանում է հասարակության բոլոր շերտերի աջակցությունը: Կազմավորվում է նոր Եկեղեցի:

3878 թ. – Այլմոլորակայինները նոր Եկեղեցու հետ միասին մարդկանց նորից սովորեցնում են մոռացված գիտությունները:

4302 թ. – Նոր քաղաքներ են հայտնվում մոլորակի վրա: Նոր եկեղեցու ղեկավարությունը խթանում է տեխնոլոգիաների և գիտության զարգացումը:

4302 թ. – Գիտության զարգացում: Գիտնականները ընդհանուր մեխանիզմներ են հայտնագործում մարդու օրգանիզմի վրա բոլոր տեսակի հիվանդույթունների ազդեցության մեջ:

4304 թ. – Գտնվել է ցանկացած հիվանդություն հաղթահարելու միջոց:

4308 թ. – Մուտացիայի արդյունքում մարդիկ վերջապես սկսում են օգտագործել իրենց ուղեղը ավելի քան 34%-ով: Ամբողջովին վերանում է չարի և ատելության հասկացությունը:

4509 թ. – Ծանոթություն Աստծո հետ: Մարդը վերջապես հասնում է զարգացման այնպիսի աստիճանի, որ կարողանում է շփվել Աստծո հետ:

4599 թ. – Մարդիկ անմահություն են ձեռք բերում:

4674 թ. – Քաղաքակրթության զարգացումը հասնում է իր գագաթնակետին: Տարբեր մոլորակներում ապրող մարդկանց ընդհանուր թիվը հասնում է 340 միլիարդի: Սկսվում է միաձուլում այլմոլորակայինների հետ:

5076 թ. – Գտնված է Տիեզերքի սահմանը: Ինչ է դրանից այն կողմ՝ ոչ ոք չգիտի:

5078 թ. – Որոշում է ընդունված լքել տիեզերքի սահմանները, չնայած բնակչության 40%-ը դեմ է:

5079 թ. – Աշխարհի վերջը:

ՉԻՆԱՑԻ ԱՂՋԻԿԸ ԴԱՇՆԱՄԱՈՒՐ Է ՆՎԱԳՈՒՄ,ԱՌԱՆՑ ՄԻ ՁԵՌՔԻ ՄԱՏՆԵՐՆ ՈՒՆԵՆԱԼՈՒ

EMILMARGARYAN — Sun, 30 Oct 2011 11:30:49 GMT

Հերթական անգամ youtube-ում թափառելիս հայտնաբերեցի մի շատ զարմանալի,բայց գովելի վիդեո:Աղջիկը դաշնամաուր է նվագում,առանց մի ձեռքի մատներն ունենալու: http://www.youtube.com/watch?v=VbhW_K3NvmQ&feature=player_embedded